Sot, me shumë dashuri dhe respekt kujtojmë dhe festojmë ditëlindjen e një prej figurave më të dashura dhe të njohura të artit humoristik shqiptar, Agron Hamo. I lindur më 15 janar të vitit 1950 në qytetin bregdetar të Vlorës, Hamo ka qenë një yll i komedisë shqiptare dhe një nga parodistët më të shquar të Vlorës.
Karriera artistike e Agron Hamit filloi rreth vitit 1966, si një amator në fabrikën e sodës kaustike. Ai u bë i njohur në fillim të viteve ’70 me parodinë “Frigoriferi”. Në vitin 1976, ai u bashkua me grupin e parodistëve të Vlorës, përbërës të cilit ishin Afrim Agalliu, Mane Lumani dhe Veli Rada. Ky grup u bë i famshëm për paroditë e tyre, që përfshinin vokalet, plastikën, mimikën dhe elegancën në interpretim, duke fituar zemrat e publikut shqiptar.
Me pas grupi perbehej nga Agron Hamo, Afrim Agalliu, Muhamet Lika dhe Mane Lumani, ky grup ka arritur të krijojë një lidhje të fortë me publikun, jo vetëm në Vlorë por në të gjithë vendin, duke mbajtur gjallë një traditë të gjatë të humorit të qytetit bregdetar.
Në vitin 1996, Agron Hamo filloi të performonte si profesionist dhe bëri një sukses të madh në teatrin e varieteteve të Vlorës. Paroditë e tij si “Musketeers”, “Opus 89”, “Raq Kapoor”, “Miss ’95” dhe “The Pensioner” mbeten pjesë e trashëgimisë së artit humoristik shqiptar. Ai gjithashtu ka marrë pjesë në shumë shfaqje teatri dhe koncerte, duke dhuruar të qeshura dhe momente gëzimi për publikun shqiptar.
Agron Hamo mbetet një figurë e pavdekshme në historinë e humorit shqiptar. Ai ka marrë shumë çmime dhe nderime për kontributin e tij në art, përfshirë titullin “Naim Frashëri i Artë”. Sot, në përvjetorin e tij të lindjes, ne e kujtojmë dhe e nderojmë për gjithçka që ka bërë për të zbukuruar skenën artistike shqiptare.
