Kingsley Coman po i afrohet gjithmonë e më shumë Arsenalit. Sulmuesi francez ka përsëritur javët e fundit se dëshiron të largohet nga Bayern Munich këtë verë pavarësisht se kontrata e tij skadon në vitin 2027.
Sipas “TeamTALK”, lojtari u ndoq nga “Topçinjtë”. Pengesa kryesore mbetet Arabia Saudite, një opsion që i pëlqen lojtarit, por nuk përjashtohet mundësia që Coman të qëndrojë në Europë.
Sulmuesi francez ende e konsideron të mbaruar kohën e tij në Bavari pas dhjetë sezoneve në të cilat ai fitoi tetë herë Bundesligën dhe mbi të gjitha Champions Leaguen 2020, e vendosur nga goli i tij në finale kundër Paris Saint-Germain.