Një qytetar i revoltuar ka denoncuar përmes JOQ Albania sjelljen e rrezikshme të disa shoferëve në trafik në rrugën dytësore Tiranë-Durrës, duke theksuar se disa drejtues mjetesh nuk mësojnë kurrë nga gabimet e tyre.
Sipas denoncuesit, ndërsa pjesa tjetër e drejtuesve të mjeteve qëndronte në trafik për më shumë se një orë, disa shoferë u përpoqën të parakalonin në mënyrë të pasigurt, duke krijuar kaos dhe konflikte me shoferët e tjerë që nuk pranonin t’i lejonin të futeshin sërish në rresht.
Kjo sjellje ka shkaktuar irritim tek drejtuesit e tjerë, të cilët jo vetëm që janë detyruar të qëndrojnë në trafik, por edhe të përballen me sjellje agresive nga ata që nuk respektojnë rregullat e qarkullimit. Situata të tilla jo vetëm që rrezikojnë sigurinë në rrugë, por edhe përkeqësojnë tensionet mes drejtuesve të automjeteve.
Qytetari shprehet:
Pershendetje JOQ, Ja shqiptaret qe nuk zene mend kurre. Mire qe futet parakalim, nderkohe qe ne tjeret kemi nga 1 ore ne trafik, po zihet dhe me shoferet e tjere pse nuk e len te futet prape. Ja dhe tjetri gjithashtu, po njesoj.
Denoncimi i qytetarit tregon edhe një herë nevojën për ndërgjegjësim dhe respekt të rregullave të qarkullimit rrugor, në mënyrë që të shmangen incidente të tilla dhe të ruhet qetësia në rrugë.