Danilo shtang Conten dhe Napolin, mbrojtësi brazilian merr vendimin për të mos “tradhtuar” Juventusin
Nga kampi i Juventusit u bë e ditur se largimi i Danilos për te Napoli do të bëhej pas ndeshjes më 25 janar mes të dyja ekipeve, por pak ditë para kësaj përballjeje mbrojtësi brazilian ka marrë një kthesë.
33-vjeçari bardhezi nuk dëshiron të bashkohet me ekipin e Antonio Contes, por të rikthehet në Brazil. Sipas mediave italiane, klubi i ri i Danilos do të jetë Flamengo, i Rio De Zhaneiros.
Mbrojtësi ndryshoi mendim për të mos u transferuar te Napoli, duke ndjekur dëshirën e familjes së tij që kërkuan të rikthehen në Brazil. Tashmë pritet që të bëhet vetëm zyrtare.