Është rikthyer ditët e fundit në vëmendje të opinionit publik përplasja mes dy këngëtareve Rezarta Shkurta dhe Rozana Radi. Në Big Brother VIP Albania u diskutua për një konflikt të Rozanës me këngëtaren Rezarta Shkurta.
Rozana dha versionin se ato nuk ishin konfliktuar gjatë pjesëmarrjes në spektaklin “Vip Shtëpia”, pasi aty kanë patur vetëm debate të vogla, por janë konfliktuar pas disa vitesh tek Kodra e Liqenit.
Të njëjtin version ka edhe Rezarta Shkurta, por ka shtuar se nuk janë konfliktuar për dashuriçka siç thonë portalet, por për arsye profesionale.
Po cila është e vërteta? Gënjejnë mediat apo Rezarta Shkurta?
Prapaskena sjell sot një pjesë të përmbajtjes së dosjes së Prokurorisë së Tiranës, e cila në vitin 2012 pati kërkuar dënimin me 82 orë punë të detyrueshme të këngëtares Rezarta Shkurta për sulmin fizik ndaj Rozana Radit. Sipas dosjes së prokurorit Ervin Karanxha është provuar dhe madje është pranuar edhe nga Rezarta Shkurta se Rozana Radi mbrëmjen e 6 dhjetorit 2010, në zonën e Liqenit të Thatë në Tiranë, Rezarta Shkurta është përleshur me Rozana Radin.
“Më datë 06.12.2010, rreth orës 03:00, e pandehura Rezarta Shkurta është konfliktuar me shtetasen Rozana Radi, duke e goditur atë me grushte në pjesën e fytyrës. Duke iu referuar provave dhe aktit të ekspertimit mjekoligjor, rezulton se Rozana Radi është dëmtuar në pjesën e fytyrës dhe Rezarta Shkurta vetë nuk ka pasur asnjë dëmtim”, thuhet në dosje.
Sipas gjyqtarit Gerd Hoxha, i cili e shpalli të pafajshme Rezarta Shkurtën ka qenë Rozana Radi që i ka kërkuar takim dhe e ka kapur e para për flokësh Shkurtën. Gjykata pronon përleshjen, por aryeton se Shkurta ka vepruar në kushtet e vetëmbrojtes.
Molla e sherrit ishte i dashuri i përbashkët Ermal Hoxha, nipi i Enver Hoxhës, i dënuar për trafik droge, për dosjen Xibraka. Arsyeja e sherrit është deklaruar nga Rezarta Shkurta në Prokurori, ndonëse sot thotë se arsyet ishin profesionale!
“Marrëdhënia jonë ka qenë gjithnjë e pasinjqertë, sepse Rozana Radi më parë ka qenë e lidhur me bashkëshortin tim të tanishëm. Më pas ne kemi pasur një mosmarrëveshje në VIP Shpia”, ka dëshmuar Shkurta në Prokurori.
Rezarta Shkurta i mori Ermal Hoxhën shoqes Rozana Radi
Para se të lidhej me reperin Noyzi dhe Mc Kreshën, Rozana Radi kishte një raport me Ermal Hoxhën.
Rozana Radi kishte ndërkohë shoqe të ngushtë Rezarta Shkurtën. Në momentin që Ermal Hoxha ka njohur Rezerta Shkurtën, përmes Radit, ka nisur të flirtojë me znj. Shkurta. Me kalimin e kohës, Ermal Hoxha është lidhur me Rezarta Shkurtën, ndërsa Rozana Radi e ka parë vetën jashtë loje. Kështu raporti mes dy shoqeve u kthye nga miqësor në armiqësor.
Dy shoqet u kthyen në armike të përbetuara, pasi Rozana Radi pretendonte se Shkurta e kishte prerë në besë, duke i marrë të dashurin, dhe kështu nisën të shigjetonin njëra-tjetrën nëpër rrjete sociale dhe emisione televizive.
Në këto kushte, Rezarta Shkurta i ka kërkuar një takim për t’u sqaruar Rozana Radit në zonën e Liqenit të Thatë në Tiranë. Takimi është caktuar në orën 03.00 të datës 6 dhjetor 2010.
Sapo janë takuar, në një zonë ku nuk kishte shumë njerëz, Rezarta Shkurta është konfliktuar Rozana Radin, duke e goditur atë me grushte në pjesën e fytyrës.
Përleshja ka qenë e gjatë dhe e egër. Rezarta Shkurta sulmonte me tërbim, ndërsa Rozana Radi qëndronte pasive. Ndërsa nipi i Enver Hoxhës, Ermal Hoxha i vëzhgonte nga makina.
Sipas dosjes, Rozana Radi nuk ka sulmuar nga frika se mund të dëmtonte ndërhyrjet në trup me silikon. Megjithatë, për shkak të përpleshjes, grushteve, shpullave dhe gërvishtjeve, të dyjave u ka plasur silikoni.
Rozana Radi ka kallëzuar penalisht Rezarta Shkurtën, e cila u mor e pandehur për plagosje të lehtë me dashje.
Nga akti i ekspertimit nr. 1337, dhjetor 2010, rezulton se dëmtimet e shtetases Rozana Radi klasifikohen në kategorinë e plagosjes së lehtë
Fillimisht që të dyja kanë pretenduar se shkak i sherrit ishte një konflikt në emisionin “VIP Shpia” në Kosovë, por në fakt shumë shpjet është zbuluar se shkaku i sherrit ishte Ermal Hoxha, nipi i Enver Hoxhës.
“Më datë 05.12.2010, Rezarta i ka kërkuar takim Rozanës. Ato janë takuar afër Liqenit të Thatë në zonën e Kopshtit Zoologjik. Rozana ka qenë në makinë dhe në këtë moment Rezarta e ka qëlluar me grushte Rozanën, e cila kishte pak kohë që kishte bërë një ndërhyrje kirurgjikale në gjoks dhe po mbronte me duart e saj pjesën e trupit, në një kohë që kishte lënë të zbuluar pjesën e fytyrës, ku dhe ka marrë goditje me grushte nga Rezarta Shkurta. Deklarimi i Rozana Radit është i vërtetë, pasi nga akti i ekspertimit mjekoligjor me nr. 1337, datë 06.12.2010, rezulton se tek e dëmtuara Rozana Radi konstatohet hematomë përreth syrit të majtë, të shoqëruar me infiltrim hamorragjik të sklerës, një ekimoze. Pra, të gjitha këto dëmtime janë në pjesën e fytyrës. Në dosje thuhet se është pyetur shtetasja Rezarta Shkurta, e cila sqaron se ka pasur konflikt me shtetasen Rozana Radi dhe marrëdhëniet e tyre nuk kanë qenë të sinqerta, pasi Rozana ka qenë e lidhur para shumë kohësh me shtetasin Ermal Hoxha, bashkëshortin e Rezartës. Sipas Rezartës, ato kanë pasur konflikt edhe në një emision të zhvilluar nga një televizion në Kosovë. Në lidhje me ngjarjen, Rezarta shpjegon se nuk e ka sulmuar Rozanën dhe se ajo ka qenë në kushtet e vetëmbrojtjes, pasi është sulmuar nga Rozana. Rezarta mohon që ta ketë goditur në fytyrë Rozanën. Duke iu referuar provave dhe aktit të ekspertimit mjekoligjor, rezulton se Rozana Radi është dëmtuar në pjesën e fytyrës dhe Rezarta Shkurta vetë nuk ka pasur asnjë dëmtim. Ky fakt tregon se personi i dëmtuar në rastin konkret është shtetasja Rozana Radi. Duke kryer veprimet e mësipërme (goditur dhe plagosur lehtë shtetasen Rozana Radi), Rezarta Shkurta ka konsumuar tërësisht elementet e veprës penale të “plagosjes së lehtë me dashje” të parashikuar nga neni 89 i Kodit Penal“, thuhet në dosjen e prokurorisë.
Dëshmia e Rozana Radit në Prokurori
“Mora makinën time “Peugeot 206″ me ngjyrë gri në bojë qielli dhe shkova në drejtim të vendit ku më tha Rezarta. Isha vetëm dhe po drejtoja makinën time. Ndërkohë që, sapo u shkëmbeva me një benz vishnje që ishte parkuar me drita fikur, më telefonoi Rezarta dhe më tha: “Ndalo se jam mbrapa teje”. Unë ndalova makinën në cep të rrugës, hapa bllokazhet e dyerve. I thashë Rezartës, që erdhi nga dera e shoferit, që të dilte nga dera e pasagjerit dhe të hipte në makinë, me mundësinë që të bënim një xhiro për të sqaruar problemet. Rezarta nuk pranoi. Hapi derën time, të shoferit normalisht. Unë mendova të dilja nga makina që të flisja me të. Në momentin që po ngrija frenat e dorës, Rezarta m’u hodh sipër duke më sharë, gjuajtur me grushte dhe shkulur flokët. Në këtë moment, duke qenë se kisha dalë nga një ndërhyrje kirurgjikale në gjoks, kam ruajtur pjesën e bustit dhe kam lënë fytyrën zbuluar, ku Rezarta më qëlloi më shumë. Pas këtij momenti kam arritur të dal nga dera e makinës dhe në momentin që dola, prapë m’u hodh për të qëlluar. Doli një mashkull nga makina ku ishte Rezarta, benzi vishnje që përmenda, dhe u drejtua menjëherë drejt nesh, duke më kapur mua të dyja duart, ndërsa Rezarta më gjuante në fytyrë. Pas shumë pak sekondash pashë dritat e policisë që qarkullonin në zonë. Mashkulli që ishte me Rezartën, ishte Ermal Hoxha, burri i saj, të cilin e njihja prej shumë kohësh. Menjëherë ika drejt makinës së policisë dhe i dola para. Nga makina dolën dy policë, të cilët me thanë: “Rozana, çfarë ke?”. U kërkova të më shoqëronin në komisariat mua, Rezartën dhe Ermalin”, ka rrëfyer Radi në Prokurori.
Dëshmia e Ermal Hoxhës në Prokurori
Sipas dosjes, dëshmitari Ermal Hoxha ka rrëfyer se personi i parë, i cili ka ushtruar dhunë fizike nuk ka qenë shtetasja Rezarta Shkurta, por shtetasja Rozana Radi dhe më pas në kushtet e përpjekjes për të ruajtur shëndetin e saj, Rezarta Shkurta është mbrojtur. Ai deklaron shprehimisht se: “ …shkoi ajo te Rozana Radi dhe ne një moment ka dalë Rozana nga makina dhe e ka kapur nga flokët, pa folur me Rezartën”.
Gjykata pafajësi për Rezarta Shkurtën
Në janar të vitit 2012, Gjykata e Tiranës deklaroi të pafajshme këngëtaren Rezarta Shkurta për akuzën e “plagosjes së lehtë me dashje” ndaj koleges së saj Rozana Radi në përleshjen e tyre në 2010.
Vendimi i pafajësisë u shpall nga gjyqtari Gerd Hoxha. Sipas Gjykatës rezultoi se nuk provohej që e pandehura Shkurta të kishte kryer veprën penale për të cilën akuzohej. Po sipas vendimit, reagimi i Rezarta Shkurtës ka ardhur si kundërpërgjigje e veprimeve agresive të kryera nga Rozana Radi në momentin e përleshjes.