Një pamje jo e zakonshme nga Roskoveci ka tërhequr vëmendjen dhe ka nxitur komente në rrjet. Qyteti nën drejtimin e kryebashkiakes së PS-së, Majlinda Bufi, duket se ka “paraprirë” kalendarin me dekorimet festive.
Sipas fotos që po bën xhiro në rrjetet sociale, bashkia ka vendosur simbolikën e Vitit të Ri në një mënyrë të çuditshme, duke krijuar përshtypjen se po përgatitet për vitin 2206 dhe jo për ndërrimin e vitit aktual.
Në dekorin festiv, shifrat janë vendosur gabimisht, ku vendet e tyre janë ndërruar, duke e shndërruar një zbukurim të thjeshtë në një detaj që ka shkaktuar reagime ironike dhe humor në publik.