Jeta e ish boksierit kosovar Florim Xhabiri është prerë në mes ditën e sotme, pas një beteje të gjatë me një sëmundje të rëndë. Lajmi i hidhur është bërë i ditur nga trajneri i karatesë, Raif Musa, i cili kujton me dhimbje mikun e mirë që nuk do jetë.
“Nuk do të harroj kurrë atë mënyrën tënde unike për të sjellë dritë edhe në ditët më të errëta,” shkuan ai për humbjen e sportistit shëmbullor.
Postimi i plotë në rrjetet sociale:
“Iku në përjetësi Florim Xhabiri…
Me zemër të thyer po shkruaj këto fjalë, duke u përpjekur të pranoj që Ai nuk është më me ne.
Ti ishe shumë më tepër sesa një mik; sepse bashkë ndamë gëzime, sfida dhe momente që do të mbeten të gdhendura përjetësisht në kujtesën time.
Fjalët nuk mund ta përshkruajnë dhimbjen që ndiej, por kujtimet tona janë ato që më mbajnë të fortë.
Nga ti mësova si të jem i guximshëm dhe si të qesh në momentet më të vështira të jetës.
Nuk do të harroj kurrë atë mënyrën tënde unike për të sjellë dritë edhe në ditët më të errëta.
Prandaj je dhe do të mbetesh gjithmonë një frymëzim për jetën që aq shumë e deshte…
Pusho në paqe, miku im!
(Varrimi i Florimit bëhet sot në Dragodan në Prishtinë prej orës 16.30)”.