Partizani ka triumfuar përballë Egnatias në transfertë, në sfidën e parë gjysmëfinale të Kupës së Shqipërisë. Ndeshja e zhvilluar në stadiumin e Rrogozhinës, përfundoi 0-1 në favor të “Demave”. Në përfundim të këtij dueli ka folur “Lojtari i Ndeshjes”, autori i golit Albers Keko.
“Unë futem çdo ndeshje për të bërë më të mirën, por e ka shkruajtur Zoti që të jem lojtari i Kupës këtë sezon. Unë e kam thënë që ndihem më mirë si numër 9 dhe shpresoj të marr besimin e trajnerit, ma ka dhënë dhe shpresoj të bëj sa më mirë.
Rasti që të shënoja golin e dytë? Më dhemb shumë, por jam i lumtur. Ato që ikën mbeten në fushë tani. Mirënjohës Gegës për penalltinë? Mua ma komunikuan çunat që do e gjuante Albani, por ai tha që ta gjuaja unë. Akoma nuk e kam falenderuar, por më thanë çunat.
E kam thënë që do të vazhdoj të bëj mirë, pastaj e zgjedh trajneri. Çdo futbollist kërkon të bëjë mirë për veten, ekipin dhe familjen. I përqendruar te topi kur gjuajta penalltinë? Mendova të bëja gol, asgjë tjetër”, shpreh Keko.