Partizani ka triumfuar përballë Egnatias në transfertë, në sfidën e parë gjysmëfinale të Kupës së Shqipërisë. Ndeshja e zhvilluar në stadiumin e Rrogozhinës, përfundoi 0-1 në favor të “Demave”. Në përfundim të këtij dueli ka folur trajneri i rrogozhinasve, Edlir Tetova.
“Kam keqardhje shumë, pasi çunat zhvilluan një ndeshje të mirë. U dogjëm nga një episode që mund të mos ndodhte. Duke ditur formatin e lojës së profesor Gegës dhe që ai luan në tranzicion, kjo ishte e vetmja keqardhje. Më vjen keq, por futbolli ky është, të shohim ndeshjen tjetër. Do të shihni një tjetër Egnatia në Tiranë, kam shumë besim në Tiranë.
Në 35 minutat e pjesës së parë ishte e gjitha në këmbët e Kasës. Kishte ngaterresë të manovrës, pasi duhej ta dërgonte topin diku tjetër. Kur t’i bën 3 gabime dhe kundërshtari lexon edhe merr masat. Me futjen e çunave të tjerë në kishim fytyrë tjetër. Futja e Aleksit mes mbrojtjes, pasi Partizani ishte në gjysmëfushën e vet, duhet të kishim superioritet në lojtarë ose të ishim një kundër një në metrat e fundit.
Tension pas golit të pësuar? Patjetër që nuk po bënim diçka, pasi rritet tensioni. Por edhe efektiviteti i lojës, u ul ritmi. Lojtarët e Partizanit qëndruan në tokë në ato minuta. Mund të themi që loja e futbollit nuk ka fund. Do të shikojmë, do të jemi më rezultativ, kjo është ajo që të jep fitoren ose kualifikimin. Shpresoj shumë dhe kam besim se çunat do ja dalin në ndeshjen e kthimit.
Ujkën me Aliyev i kishim lënë bashkë pasi mbrojtësi i djathtë i Partizanit, ishte qëndron. Aliyev e punoi mjaft mirë gjerësinë. Problematika tek kjo ishte Bakayoko, që nuk e merrte pjesën mbrapa. Këto të dy duhej të markonin një kundër një, por Bakayoko nuk bëri mirë. Pastaj ishte dhe ajo që thashë, Kasa në pasim, po bënte diçka tjetër”, tha Tetova.