Ismael Bennacer ka folur për herë të parë pas transferimit të tij nga Milani, te Olympique Marseille. Mesfushori algjerian thotë të “vërtetën e tij” mbi aludimet e këtij largimit të papritur nga Serie A drejt Francës.
“Nuk erdha te Marseille sepse s’më donte Milani apo sepse mund të donin të më shisnin. Ishte dëshira ime që të transferohesha te Marseille, sepse është ekipi i qytetit pranë të cilit jam rritur dhe jam një tifoz i madh”, është shprehur Ismael Bennacer.
Kujtojmë se mesfushori është transferuar nga Milan te Marseille në formë huazimi. Për këtë huazim klubi francez ka paguar 1 milionë euro dhe do ta ketë pjesë të ekipit deri në fund të sezonit.