SHBA- Kryetarja e bashkisë së Nju Xhersit është filmuar duke u penguar dhe duke humbur ekuilibrin, teksa u arrestua për shkak se se po ngiste në gjendje të dehur me djalin e saj të vogël në makinë në ditën e Shën Patrikut. Pamjet u filmuan nga kamerat që kanë në trupit efektivët e policisë.
Kryebashkiakja Gina LaPlaca u arrestua më 17 mars nga oficerët e policisë. Videoja e sapo publikuar e policisë e marrë nga NBC Philadelphia tregonte se oficerët mbërritën në shtëpinë e saj rreth orës 17:40. Ajo shihet duke nxjerrë djalin e saj, të cilin e kishte marrë nga çerdhja, nga sedilja e makinës. Në pamje, ajo duket se humbet ekuilibrin të paktën dy herë, ndërsa pasqyra në anën e pasagjerit të automjetit të saj është dëmtuar rëndë.
Një oficer u dëgjua duke i thënë asaj “ne morëm shumë telefonata ku kishim pretendime të shumta se ti kaloje në semafor të kuq, po ktheheshe”.
“Oh, më vjen keq,” u përgjigj LaPlaca.
Oficerët e bënë atë të kryente një test në terren dhe ajo u pa duke humbur ekuilibrin kur iu kërkua të balanconte trupin në njërën këmbë. LaPlaca u vu në pranga nën akuzën për drejtim mjeti në gjendje të dehur. Brenda automjetit policia gjeti një shishe uji me alkool dhe një shishe të vogël pijesh alkoolike.
Një herë në stacionin e policisë, një oficer i tha asaj se niveli i saj i alkoolit në gjak ishte aq i lartë sa që duhej të shkonte në spital. Data e saj e gjyqit është caktuar për 15 Prill. Gjatë një mbledhjeje të komunitetit të Lumberton javën e kaluar, anëtarët e i kërkuan asaj të jepte dorëheqjen. Burri i LaPlaca, Jason Carty, një aktivist politik postoi në mediat sociale pas arrestimit të saj duke thënë se ajo po luftonte me varësinë nga alkooli.