Real Madrid ia doli të triumfonte mes vuajtjesh ndaj Real Sociedad në gjysmëfinalen e kthimit në Kupën e Mbretit. Dueli i zhvilluar në “Santiago Bernabeu” përfundoi 4-4, por “Los Blancos” kalojnë në finale falë fitores 1-0 në sfidën e parë mes tyre.
Carlo Ancelotti ka folur pas këtij triumfi, ku ka theksuar se asnjëherë nuk e ka menduar eliminimin dhe se në “Bernabeu” ndodhin gjithmonë gjëra të mëdha. Ndër të tjera ka bërë të ditur se janë një ekip me pak ekuilibër, por kanë shumë forcë sulmuese.
“Ishte një ndeshje argëtuese me shumë gabime, por edhe me shumë momente të mira. Ishte emocionuese. Jemi në finale dhe në fund ia dolëm të arrijmë objektivin tonë. Nuk e pashë kurrë veten të eliminuar, sepse në Bernabéu gjithçka mund të ndodhë. Kur kemi nevojë për përmbysje, nuk dorëzohemi kurrë, sidomos në shtëpi, me tifozët tanë.
Patëm pak fat të keq, Alaba preku dy herë topin në mënyrë të pafat. Këto janë gjëra që ndodhin. Por të pësosh 4 gola nuk është diçka e mirë. Ne shënuam 4, por nuk patëm ekuilibër. Jemi një ekip me pak ekuilibër, por me shumë forcë sulmuese. Shënuar katër herë ndaj Real Sociedad nuk është e lehtë”, është shpehur italiani.