Disfata ndaj Paris Saint-Germain javën e kaluar ka ndërlikuar shumë kalimin e Manchester City në raundin tjetër të Champions League. Qytetarët duhet me patjetër të fitojnë ndaj Club Brugge ditën e nesërme për të patur shanse kualifikimi.
Ditën e sotme, trajneri i Cityt ka dalë në konferencë për shtyp për mediat. “Nuk është një çështje personale, kualifikimi është diçka që shqetëson klubin. Eliminimi nga Champions League nuk do të ishte një gjë e mirë, por nuk mendoj për këtë momentalisht.
Unë e vlerësoj shqetësimin e tifozëve për moskualifikimin, por mendoj se djemtë do t’ia dalin. Nuk jam aq naiv sa të mos e di sa i rëndësishëm është ky kompeticion në nivelin financiar për klubin, por ne duam të përpiqemi të shkojmë deri në fund për arsye sportive”, u shpreh spanjolli.