Drejtori Olsi Komici, në pazar me shefat e doganës, vendosi që konteineri me fileto braziliane, të mos zhdoganohej në Durrës, por të shkonte me procedurë transit në Doganën e Tiranës, ku AKU nuk e bllokoi dhe i hapi rrugë për në treg pa dalë analizat…
Për herë të parë, u reagua masivisht kundër importit dhe lejimit të futjes në treg pa kontroll shtetëror, të 27 ton fileto pule “Di Mal” nga Brazili, të infektuara me bakterin Salmonelë që rrezikon jetën e konsumatorëve, sidomos të fëmijëve.
Por edhe këtë herë, dallaverexhinjtë e policisë dhe Drejtësisë së vjetër me maskë të re, nuk trokitën te shefi i madh i AKU, që lejoji e fshehu këtë krim ushqimor, të konstatuar 4 herë në 5 vitet fundit nga kompania e njohur me emrin tregtar “Di Mal”.
Policia dhe prokuroria e Tiranës, proceduan penalisht 3 inspektorë të AKU dhe shpallën në kërkim vëllezërit Mondi e Arben Goxha, pronari dhe administratori i kompanisë “AMG FOOD Sh.p.k”, të cilët, sipas informacioneve, u njoftuan të largoheshin para se t’i arrestonin.
Pa asnjë dyshim, 3 inspektorët e AKU do nxirren “të pafajshëm” si shumë kolegë të tyre, ndërsa importuesit që futën në Shqipëri e në treg filetot me salmonelë; janë duke bërë pazare me prokurorët e gjyqtarët, që të vetë-dorëzohen e të lihen me masën “Detyrim paraqitje” si të tjerët.
Skandal është fakti, që policia dhe prokuroria nuk proceduan penalisht dhe nuk kanë marrë të pandehur, Drejtorin e Përgjithshëm të AKU, Olsi Komici, përgjegjës kryesor për lejimin dhe fshehjen e krimit ushqimor me filetot e pulave.
Sipas Kodit Penal, Drejtori i Autoritetit Kombëtar të Ushqimit, duhet arrestuar sepse me veprimet dhe mos veprimet e tij, i krijoi hapësirë dhe terren të lirë pronarit të kompanisë “Di Mal”, të fuste filetot e pulave në treg.
Policia dhe prokuroria kanë si provë, faktin që drejtori i AKU, Olsi Komici, për ngarkesat fileto pule të infektuara që u futën nga Brazili, kishte marrë informacion zyrtar paraprak nga agjencitë gjurmuese europiane të riskut ushqimor, pa mbërritur ngarkesat në Durrës.
Por nuk lejoi inspektorët e PIK në Doganën e Durrësit, që të hapnin konteinerin me fileto pule, të merrnin mostrat për analiza dhe të bënin bllokimin fizik në magazinën frigoriferike doganore, të kompanisë “Di Mal” në Durrës e të viheshin në ruajtje nga policia deri në përfundim të analizave.
Provë është fakti, që drejtori Olsi Komici, në pazar me shefat e doganës, vendosi që konteineri me fileto braziliane, të mos zhdoganohej në Durrës, por të shkonte me procedurë transit në Doganën e Tiranës, ku AKU nuk i bllokoi dhe i hapi rrugë në treg pa dalë analizat.
Provë tjetër, është fakti që drejtori Olsi Komici nuk i bllokoi ngarkesat me fileto të infektuara, megjithëse përveç informacionit nga agjencitë europiane të rrezikut ushqimor, vetë AKU e ka kompaninë “Di Mal” në regjistrin e rriskut ushqimor, për 4 raste të tjera importi filetosh me salmonelë nga Brazili në vitet 2020-2024, por e lejionin kundrejt pazareve e urdhrave nga kupola e pushtetit.
Aktiviteti i kompanisë “Di Mal”, nuk është bllokuar, madje ka në proces importi edhe 100 ton fileto e pula që po vijnë nga Brazili drejt Portit- Durrës; por nuk i janë kontrolluar as magazinat e mishit në Novoselë të Vlorës, që i ka në emrin e kompanisë tjetër “MAG.N.G Shpk”.
Ndërsa drejtori i AKU, Olsi Komici nuk preket nga Drejtësia e re, sepse ka bërë ndere kur ishte në komisionin e Vettingut; ndërsa pas shkrirjes komisionit, Babloku e emëroi drejtor të AKU në Janar 2025 e tashmë e ka vënë kandidat për deputet në Librazhd, duke e lënë ende në detyrë./Pamfleti