Arsenali do të presë Real Madrid në “Emirates Stadium” për të bërë mes tyre llogaritë për çerekfinalen e Champions League. Duel ky i programuar të zhvillohet më 8 prill në orën 21:00.
Një takim i cili është shumë i rëndësishëm për “Topçinjtë” që kërkojnë t’i shkojnë deri në fund këtij turne. Por nuk do të jetë aspak e lehtë. Për fatin e keq të Mikel Artetës do të ketë shumë mungesa ndaj madrilenëve.
Janë plot 7 futbollistë që do të mungojnë për shkak dëmtimesh, me Arsenalin që do të presë i përgjysmuar ekipin spanjoll. Gabriel Magalhaes, Jurrien Timber, Ben Ëhite, Takehiro Tomiyasu, Riçardo Calafiori, Gabriel Jesus dhe Kai Havertz nuk do të japin dot kontributin e tyre, me 2 të fundit që kanë mbyllur sezonin para kohe.
Kjo i shkakton “dhimbje koke” Artetës, i cili duhet të gjejë një plan B për të përballuar “Los Blancos”.