Për më pak se një muaj, Cristiano Ronaldo do të mbushë plot 40 vjeç. Kontrata aktuale që e mban të lidhur sulmuesin portugez me Al Nassr skadon në qershorin e këtij viti.
Shumë tifozë presin që ai ti japë fund futbollit të luajtur dhe të varë këpucët në gozhdë. Megjithatë kjo nuk është aspak në mendjen e Cristiano Ronaldos. Bomberi portugez po mendon të rinovojë kontratën me klubin saudit edhe për një sezon tjetër.
Ky sezon aktual ka qenë mjaft i mirë për Ronaldon, i cili në 20 ndeshje në të gjitha kompeticionet ka arritur të realizojë 17 gola dhe ka asistuar tre herë për shokët e ekipit.