Temperatura deri në – 10 °C/ IGJEO: Shtim i sipërfaqeve të përmbytura në zonën e Nënshkodrës, ngricat do të…

Reshje të shumta dëbore kanë mbuluar pjesën më të madhe të veriut të vendit, juglindjen dhe zonat malore.

Sot, 12 janar 2026, temperaturat në vend janë tepër të ulëta, deri në -18 gradë Celsius në Lurë të Dibrës.

Ndërkohë, sipas asaj që raporton Instituti i Gjeoshkencave, sipas llogaritjeve hidrologjike, si rezultat i reshjeve të rëna Lumi Drin- Buna dhe Liqeni i Shkodrës do të vazhdojë të ketë rritje të prurjeve dhe niveleve dhe rrezik të shtimit të sipërfaqeve të përmbytura në zonën e Nënshkodrës.

Ndërkohë në pjesë të tjera të vendit, si pasojë e temperaturave të ulëta në Veri, Lindje dhe Juglindje të territorit, ngricat mund të krijojnë probleme të ndryshme dhe vështirësi në transportin rrugor.

Sot pasdite (e hënë, dt. 12) dhe nesër (e martë, dt. 13) si pasojë e temperaturave të ulëta në Veri, Lindje dhe Juglindje të territorit, ngricat mund të krijojnë probleme të ndryshme dhe vështirësi në transportin rrugor.

Sot pasdite (e hënë, dt. 12) dhe nesër (e martë, dt. 13) nuk priten reshje (siç tregohet në tabelë, respektivisht për secilin qark).

Nesër (e martë, dt. 13) temperaturat minimale dhe maksimale të ajrit pritet të arrijnë:

në bregdet: 2 / 10 °C

në vendet e ulëta: -2 / 10 °C

në vendet malore: -10 / 4 °C

Sot pasdite (e hënë, dt. 12) dhe nesër (e martë, dt. 13) era pritet të fryjë e lehtë deri mesatare.