Ditën e sotme janë zhvilluar katër ndeshje të vlefshme për javën e 17-të të Bundesligës. Këto sfida ishin mjaft interesante, ku nuk munguan as surprizat dhe goleadat.
Borussia Dortmund u surprizua në transfertë kundër Holstein Kiel. Këta të fundit triumfuan me rezultatin 4-2, në një ndeshje spektakolare. Një humbje kjo që lë Dortmundin në vendin e 9-të në tabelën e renditjes.
Në sfidën tjetër, Granit Xhaka dhe Leverkusen triumfuan përballë Mainz me rezultatin minimal 1-0. Golin e vetëm të sfidës e shënoi Grimaldo, i cili dërgon ekipin e tij në kuotën e 38 pikëve në vendin e dytë.
Ndërsa në dy ndeshjet e tjera, Eintracht Frankfurt fitoi 4-1 kundër Freiburg. Kurse skuadra e Wolfsburg, triumfoi 5-1 përballë Borussia Monchengladbach.