VLORË- Në teatrin “Petro Marko” janë mbajtur homazhet, për të përcjellë për në banesën e fundit një prej figurave të pazëvendësueshme të humorit, artit vlonjatë dhe jo vetëm, Mane Lumani.
Mane Lumani, një nga katër parodistët e Vlorës, u nda nga jeta në moshën 79-vjeçare.
Lumani humbi jetën mbrëmjen e së dielës ndërsa prej dhjetorit ishte i shtruar në spital. Prej vitit 2004 Mane Lumani kishte humbur kordat e zërit, ndërsa prej kohësh vuante prej një sëmundje të rëndë.