Vllaznia ka drejtuar shkresën zyrtare në Bashkinë e Shkodrës, për të ndryshuar emërtimin e tribunave VIP, A, B dhe D në “Loro Boriçi”.
Klubi kërkon t’i japë emrin e legjendave Ramazan Rragami, Paulin Ndoja, Medin Zhega dhe Sabah Bizi.
Njoftimi i Vllaznisë:
“Sot Klubi i Futbollit Vllaznia i është drejtuar me një shkresë zyrtare Këshillit Bashkiak Shkodër me një kërkesë për emërtimin e katër tribunave të stadiumit “Loro Boriçi” me emrat e katër figurave të mëdha të futbollit shkodran e shqiptar e konkretisht Ramazan Rragamit, Paulin Ndojës, Medin Zhegës dhe Sabah Bizit.
Një kërkesë kjo si vlerësim për kontributin e jashtëzakonshëm të dhënë prej tyre për klubin tonë dhe futbollin shqiptar në tërësi.
