ZYRTARE / Humbja e fundit rezulton fatale, klubi spanjoll shkarkon trajnerin nga detyra
Ekipi i Sevillas ka shkarkuar nga detyra ditën e sotme trajnerin Xavier García Pimienta. Skuadra spanjolle ka pësuar 4 humbje në katër ndeshjet e fundit në LaLiga, por kjo e fundit ka rezultuar fatale për 50-vjeçarin.
Lajmin e ka bërë të ditur vetë Sevilla përmes një postimi në faqen zyrtare ku falenderon trajnerin për punën e bërë. Xavier García Pimienta u emërua në krye të ekipit spanjoll në nisje të sezonit të kaluar, duke i drejtuar ata për 34 takime.
Vendin e 50-vjeçarit spanjoll në stolin e Sevillas e ka marrë tashmë Joaquín Caparrós. Ky i fundit e ka drejtuar ekipin spanjoll dy herë, herën e parë nga viti 2000-2005 dhe tre muaj në vitin 2019.