Një aksident rrugor është shënuar paraditen e kësaj të hëne në aksin Milot–Rrëshen, në afërsi të Rubikut, ku janë përfshirë një automjet dhe një kamion.
Si pasojë e përplasjes, katër persona kanë mbetur të plagosur. Ata janë dërguar me urgjencë në spital, ku po marrin ndihmën e nevojshme mjekësore.
Në vendngjarje kanë mbërritur menjëherë shërbimet e Policisë, të cilat kanë kryer veprimet e para hetimore dhe po punojnë për të përcaktuar shkaqet dhe rrethanat që çuan në aksident.