Nuk kanë fund bëmat e qeverisë së Edi Ramës. Ashtu si vetë Babloku, gjithë ata që i rrinë pas janë lidhur pas karriges dhe nuk duan të shqiten.
Sot u mbajt mbledhja e qeverisë dhe dolën para gazetarëve Blendi Gonxhja me Delina Ibrahimajn. Gonxhja u pyet për protestat, por, teksa tentoi të bënte retorikë, deklaroi se sot Shqipëria lulëzon dhe se protestuesit nuk e shohin realitetin.
“Mund të themi me zë të lartë që mandatet që kemi kaluar kanë qenë të ndikuara e të kushtëzuara nga tërmeti dhe pandemia. Janë dashur vite e vite që ne jemi përpjekur t’i kapërcejmë dhe të përballojmë një prej situatave më të vështira që bota ka kaluar. Shqipëria i ka kapërcyer këto situata, Shqipëria sot është në këmbë, Shqipëria sot është më mirë se kurrë më parë. Por niveli shumë i lartë i pritshmërive të qytetarëve nuk përputhet me realitetin, por kjo nuk do të justifikonte hedhjen poshtë të gjithçkaje të bërë në këto vite”, tha Gonxhja.
Në fakt nuk ka faj Blendi, pasi në deklarimin e fundit pasuror, gruaja e tij ka deklaruar vetëm një depozitë prej 247 mijë eurosh, pa folur për llogaritë dhe të ardhurat e tjera. Ministri e di që gjithë të tjerët vjedhin dhe mbushin llogaritë bankare; në fakt, shumica mezi e mbyllin muajin dhe vidhen përditë lart e poshtë.