Mbrojtësi i njohur italian, Alessio Romagnoli, është zyrtarisht pranë trasferimit në Katar.
Palët kanë arritur marrëveshjen përfundimtare mes klubit të Al Sadd dhe Lazios për transferimin e qendërmbrojtësit. Pas një interesi të shfaqur që në muajin janar, palët më në fund kanë finalizuar gjithçka.
Lazio do të përfitojë një shumë prej 3 milionë eurosh nga ky transferim, duke i dhënë kështu dritën jeshile lojtarit për të nisur një aventurë të re në futbollin e Katarit.