Nëse zgjedhjet do të mbaheshin sot, PS do të fitonte në qarkun e Tiranës më shumë mandate se partitë e tjera.
Barometri Euronews – Albania ka zhvilluar matjen e parë zgjedhore për Qarkun e Tiranës. Metodologjia e përdorur është sërish kampion rastësor i shtresëzuar dhe madhësia e kampionit ka qenë 1000 qytetarë të pyetur në gjithë territorin e Qarkut Tiranë, ballë për ballë.
Periudha kohore e mbledhjes së të dhënave për matjen e parë zgjedhore të Qarkut Tiranë, të Barometrit Euronews-Albania është 15-25 Shkurt 2025.
Pavarësisht se kë do të votoni ose jo, cila parti mendoni ju se do të fitojë zgjedhjet?
Kësaj pyetje qendrore politike për zgjedhjet, 60.4% e qytetarëve në Qarkun Tiranë parashikojnë se zgjedhjet do të fitohen nga PS. Ndërkohë 21.3% e të pyeturve parashikojnë se zgjedhjet do t’i fitojë PD, 2% parashikojnë se do t’i fitojë Shqipëria Bëhet, 1.4% mendojnë se do t’i fitojë Partia Mundësia dhe 1.3 % parashikojnë si fituese Lëvizja Bashkë. Ndërkohë 12.3% e qytetarëve në Qarkun Tiranë kësaj pyetje nuk i janë përgjigjur.
Po ashtu sondazhi ka treguar pëlqyeshmërinë që kanë liderët e partive kryesore politike 2 muaj përpara zgjedhjeve në këtë qark.
Edi Rama në matjen e parë në Qarkun e Tiranës ka 50.3% mendim pozitiv dhe 47.1% mendim negativ.
Agron Shehaj renditet i dyti me 29.9% që kanë mendim pozitiv dhe 39% që kanë mendim negativ për të.
Adriatik Lapaj renditet i treti për mendimin pozitiv me 29.3 % dhe 39.4% mendim negativ.
Më pas vjen Sali Berisha, 28.2% mendim pozitiv për të dhe 66.2% mendim negativ.
Arlind Qori 25.2% mendim pozitiv dhe 45% mendim negativ.
Endri Shabanin ka 17 % mendim pozitiv nga qytetarët e Qarkut Tiranë dhe mendim negativ 43.1 %.
Lulzim Basha 12.7% mendim pozitiv dhe 81.5% mendim negativ.
Enkelejd Alibeaj ka 9.1% mendim pozitiv dhe 59.6 % mendim negativ.
I fundit për pëlqyeshmërinë është Ilir Meta me 5% mendim pozitiv dhe 85.7% mendim negativ.
Nëse krahasojmë shifrat e pëlqyeshmërisë në Qarkun e Tiranës me gjithë Shqipërinë për të njëjtën periudhë kohore në të cilën janë mbledhur të dhënat (15-25 Shkurt) rezulton se Rama, Lapaj, Shehaj, Berisha, Shabani, Alibeaj dhe Meta kanë pëlqyeshmëri më të ulët në Qarkun Tiranë në krahasim me gjithë Shqipërinë, ndërkohë e kundërta ndodh për Qorin dhe Bashën.
