Tonin Voci rezulton aktualisht kandidati më i favorizuar për drejtimin e Policisë së Shtetit. Sipas raportimeve mediatike, ai ka grumbulluar pikët më të larta në procesin e vlerësimit, duke u renditur në vendin e parë.
Pas tij vjen Lorenc Panganika, i cili gjithashtu ka marrë një vlerësim të mirë. Dhe Skënder Hitaj.
Tonin Voci ka një karrierë pothuaj 35 vjeçare dhe ka mbajtur detyra të rëndësishme. Ai njihet si oficer korrekt, profesionist dhe i vendosur.
Tre kandidatët kryesorë i janë paraqitur nga ministri i Brendshëm, Lamallari, kryeministrit Edi Rama, i cili pritet të marrë vendimin përfundimtar, duke zgjedhur emrin që do të drejtojë institucionin e policisë së Shtetit.
Edi Rama njihet si shtetar i surprizave kur firmos, ndaj asnjë nga tre kandidatët nuk e ka të sigurtë firmën deri në minutën e fundit. Bile edhe pasi ta firmosi, nëse e ka me laps, mund t’i fshihet dhe del tjetri!